BIAFF 2025 - ბიაფის კინოკვირეულის აუდიტორიის რჩეული ფილმები

13-17 დეკემბერს, ქ. ბათუმში BIAFF ბათუმის კინოფესტივალი ჩატარდა ბიაფის კინოკვირეულის ფორმატში. კინოსეანსები ოთხი დღის განმავლობაში მიმდინარეობდა კინოთეატრ კავეა გრანდ მოლში. წარმოდგენილი იყო 15 სრულმეტრაჟიანი და 25 მოკლემეტრაჟიანი ფილმი, 20-ზე მეტი ქვეყნიდან.

BIAFF 2025 წელს არსებული მცირე ბიუჯეტის პირობებში  განსხვავებულ ფორმატში გაიმართა. საკონკურსო სექციების (და შესაბამისი ჟიურის) ნაცვლად იყო მხოლოდ კინოჩვენებები -  წარმოდგენილი იქნა BIAFF 2025 -ის  ექსკლუზიური "Best of"  კინოკოლექცია -სხვადასხვა საერთაშორისო ფესტივალის მონაწილე (კანი, ვენეცია, სანადენსი, ბერლინალე, ტორონტო, კარლოვი ვარი, ლოკარნო და ა.შ.) წლის გამორჩეული ფილმები 20 ქვეყნიდან.  კინოპროგრამა წარმოდგენილი იყო რამდენიმე სექციად - „დიდოსტატთა კოლექცია“, „ფოკუსი უკრაინა“, „მოკლემეტრაჟიანი ფილმების საერთაშორისო და ქართული კოლექცია . ჟიურის ნაცვლად კი კინომოყვარულებს შეეძლოთ შეეფასებინათ ფილმები.

გამოვლინდა აუდიტორიის პრიზი შემდეგ ნომინაციაში:

-       აუდიტორიის რჩეული  მხატვრული ფილმი  - „სირათი“, ოლივერ ლაქსე, ესპანეთი/საფრანგეთი, 2025

-       აუდიტორიის რჩეული უცხოური მოკლემენტრაჟიანი ფილმი - „მარტო ერთად”, ომიდ მირზაეი, ირანი, 2025

-       აუდიტორიის რჩეული ქართული მოკლემეტრაჟიანი ფილმი  - „კალაჰუტა“, დავით გვიანიძე, საქართველო, 2025  და  „ტელეგრამა“, ლინდა ჯაიანი, საქართველო, 2025

მომავალ საიუბილეო მეოცე წელს ბიაფი ისევ დაუბრუნდება თავის ტრადიციულ ფორმატს საინტერესო პროგრამით, სტუმრებით და სიახლეებით.

ფესტივალის მთავარი სპონსორი - თიბისი ბანკი

ფესტივალის მხარდამჭერები – გოეთეს ინსტიტუტი, იტალიის საელჩო, ნორვეგიის კინოინსტიტუტი,  შვედეთის საელჩო,  უკრაინის საელჩო, კინოთეატრი  CAVEA GRAND MALL, ბათუმის თოჯინების თეატრი, Grand Mall,   კალაპრინტი, კომპანია LCC

ფესტივალის მედია პარტნიორები – გაზეთი BATUMELEBI, netgazeti.ge, აჭარის ტელევიზია,  ბათუმი TV, FNE (www.filmneweurope.com), AT.GE, Billboard Georgia, ინფობათუმი

დამატებით ინფორმაციას შეიძლება გაეცნოთ (ინფორმაცია პერიოდულად განახლდება) კინოფესტივალის  ვებ-გვერდზე:  www.biaff.org  და ფეისბუქ გვერდზე -   www.facebook.com/biaffbatumi

საკონტაქტო ინფორმაცია -  ტელ: 599482181,  ელ.ფოსტა - marketing@biaff.org